Tinunturu Tinungkusan

Tinunturu diti nopo nga oilaan tokou winonsoi koiso nopa nga mantad wakau, oponsol kopio o wakau diti kumaa etnik id Sabah, tinunturu i milo wonsoyon mantad wakau miagal barait om balatak. Koduo nopo nga pandan tinunturu i milo wonsoyon mantad pandan nopo nga miagal ko tupi om balatak, kotolu mantad ribu-ribu. Ribu-ribu nopo diti nga susumuni do rumoloi, tinunturu i milo wonsoyon mantad diti miagal ko salapik, tubau om tinompok.

Kaapat kawo winatu mantad roun serdang, i nopo tinunturu di mantad serdang nga tendung toi’koi ponokop om poirikahan do mangkuk. Kolimo kawo tinunturu mantad wulu, miagal ko wakid, bubu om rilibu om ogumu po o mogisusuai o kawo tinunturu i aanu mantad sandad posorili maan do tinaru kadazandusun diti wonsoyo sabaagi tinunturu i gunoo diolo do monikid tadau id koposion. 

Oilaan tokou do ogumu o tinunuturu diti om olumis nogi ngawi sabap diti mositi do gatangon tokou o tinunturu tinungkusan diti tu au no atagak. Oponsol nogi o sukod wagu do baino misingilo do momonsoi do tinunturu diti. Suai ko li, koponsolon nopo diti tinunturu id pogun tokou nga koponguhup popoingkawas kousinan tinaru om nogi ekonomi nung papanahon no kopio do tootopot. Oilaan tokou id pogun Sabah nopo nga ogumu o songinsuni id talun i milo wonsoyon kakamot tinunturu miagal do wulu, poring, wakau om suusuai po. Ii no poogi alapon poh tinaru mamasok do tumanud piipiro pinsingilaan momonsoi tinunturu i pohoroon do porinta mooi do ogumu o toilaan do momonsoi tinunturu. Mantad dilo, tadau kaamatan nopo nga iso karamayan di milo popoburu no pomorunan tinunturu id pogun Sabah.

Founder: Erna Zuryena Ramli