Founder; Erna Zuryena Ramli

Kotob hiss

Sudawil

Tamangai Kolidangan

Binabang dilo tadau,

monitiu koindaangan;

tinahak minamangun,

kounalan toinsanan.

Talun kakal pointomou,

osonong pomuhabaan;

rahat nga tingoligai,

kada no koyomutai.

Poimpasi id winoun,

itokou no lansanon;

tindohoyo’ no sandad,

koposion otoronong.

Olidang posorili,

kolidasan ogompi;

aiso toruol rumoliu,

koligaganan minsodu.

Mantad podi pogulu,

gisom no do baino;

tonggungon no do tulun,

monoluod koposion.

Misompuru id angkab,

miigit do longon;

rumikot do dimpoton,

olidang no winoun.

Toluodo kogingohon,

upuso koposion;

potunudo no woyo,

ogirot no ginawo.

Talun di otomou,

posorili osuau;

tamangai kolumison,

solajur no koposion.