By: Jesinta Macsie : Taakanon koubasanan

Tulun kadazandusun nopo nga kiharo taakanon koubasanan sondi. Taakanon tulun kadazandusun nopo diti nga popointutun kowoyoyoon tinaru kadazandusun. Sabagi pomitanan, taakanon koubasanan tulun kadazandusun nopo nga hinava. Hinava nopo diti iso taakanon di winonsoi mantad tonsi do sada di sinamayan do tua worung, sogumau, tusi, om bawang taragang. Tonsi nopo di sada amu tagal do onsokon, sabab tonsi sada diri milo do onsokon momoguno waig do worung. Maan do lobi otolinahas laang kopamansaian diti hinava, posuaton ku laang-laang kapamansaian om kakamot di gunoon. 

Hinava sada kerisi

Sada kerisi nopo diti kiharo tonsi di olomok mantad do sada-sada suai. Timpu kapamansaian hinava diti solinaid  2 jaam om milo nogi do akanon.  Suai ko mantad diri, tonsi sada diri mositi iduon o tulang.

Kakamot-kamot di gunoon:

• 450 gram tonsi do sada kerisi
• 2 tinan bawang taragang
• 6 guas sogumau
• Worung
• Tusi

Laang-laang kapamansaian:

1. Iduhon i sisi om tulang di sada, pigison tongokoro-koro tonsi di sada maya do korohian sondi.
2. Soira oidu i sisi om tulang di sada, maan nogi rimutoko i tonsi sada om posuangon id suang do sorungung.
3. Momutul do guas sogumau, onuhon i guas di tomulok om iribon miampai do bawang taragang om worung.
4. Pounalan do waig worung, tusi, bawang taragang, om guas sogumau di norib tongkoro-koro miampai i tonsi do sada. Om soira do kounol ngawi iri, andadon gisom san'jaam gisom aansak i hinava om milo nogi do akanon.