SUDAWIL

SUDAWIL PONONTUDUKAN

Tahambayo’ ku bolobou,

Hilo id disan do ralan,

Tanak nopo di abagos,

Ogumu nindopuan.

Pomonsoi oku turiding,

Pangampot ku suminding,

Olohing nopo molohing,

Tanganak do mintamong.

Tataso’ ku ilo’ porimg,

Wonsoyon ku do togunggu,

Kada olingai molohing,

Olumaag koposion nu.

Sinuat i: Suziani Jeserah

RINAIT

Rinait nopo nga iso kawo do sambayang guugulu. I nopo di pogulu nga aiso ugama do takiodu  Kadazandusun. Kotumbayaan nopo diolo nga roitan do 'animisme', Monongkuyaan kasari yolo do kinorohingan i minamangun nga id bontuk do susuyan di tinungkusan diolo. Sambayan nopo diti roitan do RINAIT.

Kiwaa duo sabap do nokuro tu momurinait o tinaru Kadazandusun. Koiso nopo nga popoidu nunu nopo i tangaraat. Komoyon nopo tangaraat nga i kobinsakit, korumbak do tanom-tanom ngawi, kapatai do tayam om nunu nopo i kopogowit do kobolingkangan do tulun. Koduo, montok mongumolig do tinan id paganakan di momurinait om sombol ngawi dau, mongumolig do tanom om tayam mooi do au araag.

Soira papaharo yolo do rinait diti mositi do popolobuk do songinan wogok di osuhatan ginayo. Tayam nopo diti nga owitan id rinait sabaagi ponokolinubuk. Koponongkuyaan nopo do komolohingan guugulu nga i nopo wogok nga tayam di korohian do tinaru mongumolig. Kumoduo nopo nga, iti no tayam di milo diolo posodiaon do osikap om au apagon.

I nopo momurait nga roitan do bobolian. Soira nopo do momurinait nga momoguno yolo do iso kain tanaru i rotan do sandai.

SINUAT I: SUZIANI JESERAH

Fendila Lazarus - Kobosuraton Kadazandusun

1) Moginum

 Soira nopo kiharo do karayamaian, tuminimung noh tulun Kadazandusun om poginum nodi yolo. Korikot nogi ngawi tulun rumikot mantad sodu toi ko osomok minongoi tanud do rumamai. 

 2) Mogitatabang

 Tulun Kadazandusun nopo nga, misompuru id koubasanan. Sundung potu misuai-suai do bangsa, nga kaanu yolo do pogibaababas. Insaru yolo do mogitatabang nunu nopo soira haro kosusaan. Ingkaa no koposion diolo sogigisom..

3) Sayau do Sumazau

 Sayau koubasanan do tulun Kadazandusun nopo nga, roitan do Sumazau. Sumayau diolo do Sumazau soira korikot tadau  kaamatan toi ko haro karamayan

 

4) Pogialaan Unduk Ngadau

 Pogialaan Unduk Ngadau nopo nga pinaharo id maso do Kaamatan sabagi do mongohondom rundun ii Huminodun ii popolintuhun do darun id pomogunan..

  

5) Piagalan do Sugandoi

 Piagalan do sugandai pinaharo sabagi do pamaramai Tadau do Kaamatan.